सुदृढ शरीर प्रकृतीसाठी व निरोगी जीवनशैलीसाठी व्यायाम करणे आवश्यक आहे.व्यायामामुळे शरीरातील रक्तप्रवाह सुधारतो व तुमची त्वचा देखील चमकदार होते. मात्र व्यायाम करताना या पाच चुका तुम्हाला त्रासदायक ठरु शकतात.जर तुम्ही नियमित व्यायाम करीत असाल तर या चुका करणे टाळा:
१. फाऊंंडेशन वापरणे
व्यायाम करताना जाडसर व तेलकट फांऊडेशन वापरणे चुकीचे ठरु शकते. फांऊडेशनमुळे त्वचेखालील तैलग्रंथी बंद होतात व घाम येणे कमी होते.यामुळे तुमच्या त्वचेवर पुरळ येणे किंवा ब्रेकआऊट्स सारख्या समस्यांना तोंड द्यावे लागू शकते.cosmetologist नंदीता दास यांच्यामते तुम्ही व्यायाम करताना एखादे हलके मॉर्श्चरायझर अथवा ऑईल फ्री जेल लावणे योग्य ठरेल. जाणून घ्या तुमच्या त्वचेनुसार कसे निवडावे फाऊंडेशन ?
२. एन्टीपर्सप्रन्ट रोल ऑन वापरणे
व्यायामापुर्वी कधीही डिओड्रन्ट अथवा एन्टीपर्सप्रन्ट रोल ऑन वापरु नका.त्यामुळे तुमच्या त्वचेखालील छिद्रे बंद होतात.सहाजिकच त्यमुळे घामाद्वारे शरीरातील टॉक्सिन्स बाहेर पडण्यास अडथळा येतो.एन्टीपर्सप्रन्ट रोल ऑन मध्ये असणा-या अल्युमिनियम या घटकामुळे आरोग्याबाबत इतर शारीरिक समस्या देखील निर्माण होतात. हे नक्की वाचा सकाळच्या वेळेस वजन केल्यास ते कमी का वाटते ?
३. केस घट्ट बांधणे
जेव्हा तुम्ही केसांचा घट्ट बन बांधता तेव्हा तुम्हाला व्यायाम करताना आडवे झोपण्यास त्रास होतो.यासाठी व्यायाम करताना केसांची साधी वेणी घाला अथवा ते सैल बांधा.
४. केस मोकळे ठेवणे
ब्रेकआऊट्स येणे ही जीम एक्सरसाईज मध्ये त्वचेच्या बाबतीत होणारी एक प्रमुख समस्या आहे. नंदीता दास याच्या सल्यानुसार यासाठी व्यायाम करताना तुमचे केस तुमच्या चेह-यावर येणार नाहीत याची विशेष काळजी घ्या.कारण त्यामुळे व्यायाम करताना केसातील जंतू नकळत तुमच्या चेह-याच्या त्वचेवर पडत असतात.यासाठी व्यायाम करताना हेअरबॅन्डचा वापर करा.तसेच व्यायाम करण्यापुर्वी केसांमध्ये असे कोणतेही केसांचे सौदर्यप्रसाधन वापरू नका जे घामामुळे ओघळून तुमच्या चेह-यावर येईल. हे नक्की वाचा जिम आणि डाएटशिवाय घटवा दिवसभरात 500 कॅलरीज !
५. व्यायाम करताना चेह-याला हात लावणे
व्यायाम करताना विशेषत: कार्डियो मशिन किंवा वेट्स करताना चेह-याला स्पर्श करणे टाळा.व्यायामासाठी वापरत असलेल्या मशिन्सवर जंतू असू शकतात त्यामुळे कृपया तुमचे हात चेह-याला स्पर्श करणार नाहीत याची विशेष दक्षता घ्या. जाणून घ्या टीनएजर्सनी जीममध्ये घाम गाळणे योग्य आहे का ?