Read This in English
Translated By - Dipali Nevarekar
हिवाळ्याच्या दिवसात रक्तदाब वाढण्याची शक्यता अधिक असते. त्यामुळे उच्च रक्तदाबाचा त्रास असलेल्यांनी तसेच बॉर्डरलाईनवर रक्तदाब असलेल्यांनी वेळोवेळी चाचणी करून त्यावर नियंत्रण ठेवण्याचा प्रयत्न करावा. त्यामुळे या दिवसात अधिकच्या औषध – गोळ्या खाण्यापेक्षा काही नैसर्गिक उपायांनी त्यावर मात करण्याचा प्रयत्न करा. पीएसआरआय हॉस्पिटल- नवी दिल्ली येथील कंन्सलटंट न्युट्रिशियन अ‍ॅन्ड डायबॅटीक्स डॉ. देबजानी बॅनर्जी यांच्यामते, रक्तदाबावर नियंत्रण मिळवण्यासाठी ‘लिंबू’ हा सर्वोत्तम घरगुती उपाय आहे. ( नक्की वाचा : हृद्यरोगींनो ! या ’5′ कारणांसाठी हिवाळ्यात घ्या विशेष काळजी )
- का आहे लिंबू फायदेशीर ?
हायपरटेंशनच्या रुग्णांसाठी लिंबू हा एक उत्तम घरगुती पर्याय आहे. लिंबामुळे रक्तवाहिन्या मऊ आणि लवचिक होतात. लिंबातून शरीराला व्हिटामिन बी चा मुबलक पुरवठा होतो. त्यामुळे त्याच्या नियमित सेवनाने हृद्याचे कार्य सुरळीत होते. ट्रायग्लायसिराईडमुळे यकृतावर परिणाम होतो, वजन वाढते आणि रक्तदाबाचा त्रासही वाढतो. लिंबाचा रस शरीरातील ट्रायग्लायसिराईडचे प्रमाण नियंत्रणात ठेवण्यास मदत करतात. यासोबतच कोलेस्ट्रेरॉलचे प्रमाणही कमी करते. त्यामुळे नियमित ग्लासभर लिंबू-पाणी पिणे फायदेशीर ठरते. पण लिंबाच्या अतिवापराने वाढतील या ’6′ समस्या ! त्यामुळे लिंबाचा वापर आहारात प्रमाणातच करा.
- कसा कराल हा उपाय ?
जर तुम्हांला रक्तदाबाचा त्रास असेल तर ताज्या लिंबाचा रस 3-4 वेळेस घ्यावा. कोमट पाण्यात लिंबू रस मिसळून नियमित सकाळी रिकाम्यापोटी घेणे अत्यंत फायदेशीर आहे. मात्र त्यामध्ये मीठ किंवा साखर मिसळणे टाळा. आहारात लिंबाचा समावेश करणे फायदेशीर आहे.
छायाचित्र सौजन्य – Shutterstock