Translated By - Dipali Nevarekar
मेष -:
राशीतील ग्रहमान पाहता लहान सहान दुखण्याकडे दुर्लक्ष करणेदेखील त्रासदायक ठरू शकते. त्यावर वेळीच उपचार करणे आवश्यक आहे. एरोबिक्स किंवा नियमित जीममध्ये जाऊन व्यायाम करा. यामुळे तुम्हांला फीट रहायला मदत होईल.
वृषभ -:
कॅल्शियमची कमतरता या आठवड्यात त्रासदायक ठरू शकते. आहारात भाज्या आणि फळांचा समावेश करून कॅल्शियम वाढवण्याचा प्रयत्न करा. डॉक्टरांच्या सल्ल्याने कॅल्शियम वाढवण्यासाठी योग्य सप्लिमेंट्स सुरू करा.
मिथून -:
या आठवड्यात काही जुन्या शारिरीक समस्या त्रासदायक ठरण्याची शक्यता आहे. पचनाच्या समस्यांवर तात्काळ उपचार करणे आवश्यक आहे. अनपेक्षितरित्या अपघातांची शक्यता असल्याने सावध रहा. वाहन जपून चालवा.
कर्क -:
कॅल्शियमच्या कमतरतेमुळे सांधेदुखीचा त्रास होत असल्यास आहारातून ते वाढवण्याचा प्रयत्न करा. यामुळे त्रास कमी होण्यास मदत होईल. आहारतज्ञांच्या मदतीने तुमच्या जेवणात योग्य बदल करा.
सिंह -:
सूर्य, तुमच्या राशीचा अधिपती या आठवड्यात सहाव्या स्थानी असल्याने काही शरिरीक समस्या उद्भवण्याची शक्यता आहे. व्हायरल इंफेक्शनपासून सावध रहा. नोकरीच्या ठिकाणी कामाचा विनाकारण ताण घेऊ नका. अथवा ऑफिसचे काम / टेंन्शन घरी आणून व्याप वाढवू नका.
कन्या -:
तुमच्या राशीतील ग्रहमान पाहता, सांधेदुखी किंवा श्वसनाचे विकार असलेल्यांसाठी हा आठवडा त्रासदायक ठरेल. त्यामुळे भविष्यात त्यातील गंभीरता वाढू नये म्हणून वेळीच उपचार करणे आवश्यक आहे.
तूळ -:
मध्यमवयीन आणि त्याहून अधिकच्या वयोगटातील लोकांसाठी काही जुने विकार पुन्हा नव्याने त्रासदायक ठरण्याची शक्यता आहे. काही अल्टरनेटीव्ह औषधांनी त्यावर मात करणे आवश्यक आहे. इतरांसाठी हा आठवडा आरोग्याच्या दृष्टीने ठीकठाक जाईल. मात्र फार शारिरीक कष्टाची कामं किंवा व्यायाम करताना विशेष काळजी घ्या.
वृश्चिक -:
हा आठवडा आरोग्याच्या दृष्टीने अगदी ठणठणीत असेल. लो किंवा हाय ब्लडप्रेशर किंवा एखाद्या अ‍ॅलर्जीचा त्रास होत असल्यास त्याच्या लक्षणांकडे मुळीच दुर्लक्ष करू नका. त्यावर तात्काळ उपाय करा.
धनू -:
सर्दी,पडशाचा त्रास या आठवड्यात त्रासदायक ठरण्याची शक्यता आहे. त्याकडे दुर्लक्ष न करता वेळीच औषध करा. सांध्याचे दुखणे असणार्‍यांनी या आठवड्यात विशेष काळजी घेणे आवश्यक आहे. गुडघ्याचे दुखणे असणार्‍यांनी या आठवड्यात व्यायाम करताना विशेष काळजी घेणे आवश्यक आहे.
मकर -:
या आठवड्यात श्वसनाचे विकारांकडे दुर्लक्ष करू नका. त्यावर ताबडतोब उपचार करा. सांधेदुखीचा त्रास वाढण्याची दाट शक्यता आहे. कॅल्शियमयुक्त फळं आणि भाज्या यांचा आहारात पुरेसा समावेश करा. यामुळे दुखणे कमी होण्यास मदत होईल. तसेच नियमित व्यायामाने शरीराची रोगप्रतिकारशक्ती वाढवण्याचा प्रयत्न करा.
कुंभ -:
काही जुने आणि ठीक झाले असे वाटणारे आजार पुन्हा नव्याने त्रासदायक ठरण्याची शक्यता आहे. यामुळे तुमच्या चिंतेत भर पडू शकते. त्यामुळे त्याची काही लक्षणं आढळताच त्यावर डॉक्टरांच्या सल्ल्याने योग्य उपचार करा. मध्यमवयीन आणि वृद्ध लोकांनी संध्याकाळी चालण्याचा तसेच फीटनेस वाढवण्याचा प्रयत्न करावा.
मीन -:
राशीतील सहाव्या स्थानातील सूर्य आरोग्याच्या दृष्टीने त्रासदायक ठरण्याची शक्यता आहे. व्हायरल इंफेक्शनपासून बचावण्याचा प्रयत्न करा. प्रतिबंधक उपचारांनी आजाराची गंभीरता कमी करण्याचा प्रयत्न करा. व्यसनं सोडा आणि आयुष्यात आरोग्यदायी सवयींचा अवलंब करा. ‘लवकर निजे, लवकर उठे’ हा तुमच्या आरोग्यदायी जीवनासाठी मूलमंत्र ठरेल.
छायाचित्र सौजन्य – Shutterstock