आषाढीच्या दिवसभराच्या उपवासानंतर रात्री काय खावे – हा प्रश्न तुमच्या मनात रेंगाळतोय ? मग यावर ‘मूगडाळीची खीर’ हा उत्तम पर्याय आहे. खीर किंवा शिर्‍याच्या स्वरूपात केला जाणारा हा प्रकार आषाढीला प्रामुख्याने केला जातो. मूगडाळीमध्ये प्रोटिन्स आणि डायटरी फायबर्स मुबलक प्रमाणात आढळतात. तसेच साखरेऐवजी गूळ वापरणे हे तुमच्या आरोग्यासाठी हितकारी आहे.
साहित्य -
- मूगडाळ -1/2 कप
- साजूक तूप 1 चमचा
- गूळ -1/2 कप
- जायफळ-वेलची पूड -चवीनुसार
- दूध – 1कप
- आवडीनुसार सुकामेवा
- पाणी
कृती -
मंद आचेवर तुपामध्ये मूगडाळ खरपूस भाजून घ्यावी.
त्यानंतर गरम पाणी डाळीमध्ये घालून ती नीट शिजू द्यावी.
त्यानंतर त्यात गूळ व गरम दूध घालावे. व मिश्रण थोडे घट्ट होऊ द्यावे.
खीर एकजीव झाल्यानंतर त्यात स्वादाला वेलची पूड व सुकामेवा मिसळावा.
Translated By - Dipali Nevarekar
Source - beat-your-sugar-craving-with-this-healthy-moong-dal-kheer-recipe
छायाचित्र सौजन्य – shutterstock
मराठीत ‘आरोग्य व उपचार’ संबंधित अधिक लेख वाचण्यासाठी , मराठी विभागाला अवश्य भेट द्या. तसेच आमच्या ‘फेसबुक’ पेज व ‘ट्विटर’ हॅन्डललाही नक्की लाईक करा.
तुमच्या आरोग्यविषयक समस्यांना प्रख्यात डॉक्टरांकडून मार्गदर्शन मिळवण्यासाठी आमच्या ‘फोरम‘ ला भेट द्या आणि तुमचे थेट प्रश्न विचारा.