आजकालचे आपले आयुष्य धावपळीचे असले तरी आपण काहीच मेकअप न करता राहू शकत नाही. मेकअप काढणे हे कठीण काम आहे. काही वेळा तर आपण इतके दमलेले असतो की मेकअप न काढता आपण झोपी जातो आणि महागडी मेकअप रिमूव्हर्स तशीच पडून राहतात. म्हणून त्याऐवजी खोबरेल तेल वापरल्यास उपयुक्त ठरेल. ते फेशिअल क्लीनजर आणि मेकअप रिमूव्हर म्हणून वापरता येईल. तसंच तुमच्या त्वचेला योग्य असे तेल तुम्ही खोबरेल तेलात मिसळून वापरू शकता.
- तेल वापरण्याची पद्धत:
१. मेकअप रिमूव्हर: माझं दिवसभराचं सगळं काम झाल्यानंतर कापसाच्या बोळ्यावर खोबरेल तेलाचे २-३ थेंब घ्या आणि सगळ्यात आधी डोळ्यावरचा मेकअप काढा. त्यानंतर कापसाचा दुसरा बोळा घेऊन डोळ्यावरून फिरवा. डोळ्यांवरील मेकअप पूर्णपणे निघाल्यास असे एक- दोनदा करणे पुरेसे आहे. त्याचप्रमाणे संपूर्ण चेहरा स्वच्छ करा. झटपट टीप्स – घरच्या घरी चेहरा स्वच्छ कसा कराल ?
२. फेशिअल क्लीन्जर: दिवसभराच्या धावपळीनंतर चेहरा खराब दिसू लागतो. त्यावेळेस देखील खोबरेल तेल उपयुक्त ठरते. त्यासाठी प्रथम फक्त पाण्याने चेहरा धुवून कोरडा करा. खोबरेल तेलाचे २-३ थेंब हातावर घेऊन चोळा व तेल चेहऱ्याला लावा. बोटांनी हलकेच मसाज करा. त्यानंतर चेहरा धुण्याऐवजी टिशू पेपर किंवा मऊ कपड्याने चेहरा पुसून घ्या. चेहरा स्वच्छ होईल.
- परिणाम:
१. त्यामुळे त्वचा माईश्चराइझ आणि मऊ होते. त्वचा मॉश्चराइज करण्याचे घरगुती उपाय
२. जर तुम्हाला असे वाटत असेल की चेहरा खूप तेलकट होईल. तर असे काही होणार नाही.
३. चेहरा तेलाने स्वच्छ केल्यावर तुम्ही लगेच त्यावर मेकअप करू शकता.
४. हा उपाय इतका प्रभावी आहे की फेसवॉश किंवा मेकअप रिमूव्हर्सची गरज पडणार नाही.
५. त्वचा कमी कोरडी होईल. कोथिंबीर- कोरड्या त्वचेसाठी अगदी सोपा घरगुती उपाय.
६. तसंच त्यावर मेकअप केल्याने मेकअप अधिक खुलून दिसतो. कारण त्वचा मॉइश्चराईझ असल्याने मेकअपसाठी चांगला बेस मिळतो.
काही महत्त्वाच्या गोष्टी:
- हा उपाय नैसर्गिक असल्याने त्यामुळे अॅलर्जी होण्याची शक्यता फारच कमी आहे.
- तेलकट त्वचा असणाऱ्यांनी हा उपाय करू नका. उन्हाळ्यात तेलकट त्वचेलाही तजेलदार बनवेल हा घरगुती फेसपॅक !
- कॉम्बिनेशन किंवा कोरडी त्वचा असल्यास हा उपाय फायदेशीर ठरेल.
Read this in English
Translated By –Darshana Pawar
छायाचित्र सौजन्य – Shutterstock