उन्हाळ्यात व्यायाम करताना येणाऱ्या अधिक घामामुळे लवकर वजन कमी होईल, असं वाटतंय का तुम्हाला? परंतु, हा गैरसमज आहे. तुम्हाला कितीही घाम आला तरी तुम्ही किती व्यायाम करता यावरूनच तुम्हाला परिणाम दिसून येईल.
अतिरिक्त घाम आल्याने शरीरातील टॉक्सिन्स बाहेर पडून लवकर वजन कमी होते. हा समज सामान्यपणे सगळ्यांमध्ये रूढ आहे. कारण आपल्या शरीरात अधिक प्रमाणात (७५%) पाणी असते. घामाच्या रूपात ते बाहेर पडल्याने बारीक होण्यास मदत होते. परंतु, हा परिणाम तात्पुरता असतो, असे इव्हा केयर जिमच्या ओनर आणि फिटनेस ट्रेनर Pratichi Thakare यांनी सांगितले. मला दरवर्षी मार्च आणि एप्रिलच्या दरमान्य अधिक क्लायंटस भेटतात. पण उन्हाळा संपल्यानंतर ते व्यायाम करणे सोडून देतात. कारण पावसाळ्यात त्यांना जास्त घाम येत नाही. आणि म्हणून उन्हाळा संपल्यावर त्यांचे वजन कमी होत नाही. असे प्राची यांनी सांगितले. फक्त स्त्रियाच नाही तर ज्या पुरुषांना सिक्स पॅक्स हवे असतात असे पुरुष देखील उन्हाळयात जिम लावतात.
जितका जास्त घाम येईल, तितके वजन जास्त कमी होईल, हा गैरसमज अनेकांच्या मनात आहे, असे युअर फिटनेस क्लबचे फिटनेस ट्रेनर नितीन पावले यांनी सांगितले. ज्या पुरुषांचे वजन जास्त आहे ते उन्हाळ्यात जिम लावतात. तसंच मला वर्कआऊटचा वेळ वाढण्यास सांगतात म्हणजे ते कमीतकमी वेळात अधिक वजन कमी करू शकतील. पण नियमित व्यायामानेच वजन कमी होईल. आणि सगळ्यात महत्त्वाचे म्हणजे योग्य आहार. योग्य शरीरयष्टीसाठी आहार देखील योग्य असणे गरजेचे आहे, असे नितीन यांनी सांगितले. वजन कमी करण्याचा एकमेव उपाय म्हणजे फॅट बर्न करणे. त्यासाठी कॅलरीज कमी घेणे आणि त्याबरोबरीनेच योग्य आहार व व्यायामाची गरज आहे. घाम आल्याने वजन कमी होते या चुकीच्या समाजामुळे काहीजण अधिक व्यायाम करतील आणि ते शरीरासाठी धोकादायक ठरेल. तसंच अधिक घाम आल्याने शरीराच्या इतर समस्या उद्भवतील.
अतिरिक्त घाम आल्याने शरीरावर काही परिणाम तर दिसणार नाही तर आरोग्यासाठी हानीकारक ठरेल. शरीरातील पाणी कमी झाल्याने डिहायड्रेशन येईल. महत्त्वाची मिनरल्स, इलेक्ट्रोलाइट्स कमी होतील. किडनीचे विकार, कार्डिओव्हॅस्कुलर प्रॉब्लेम्स आणि आरोग्याच्या इतर समस्या निर्माण होतील, असे तळवळकर्स जिमचे फिटनेस एक्स्पर्ट शरद चौहान यांनी सांगितले.
Read this in English
Translated By –Darshana Pawar
छायाचित्र सौजन्य – Shutterstock