मेष -
तुमच्या राशीतील ग्रहमान पाहता, रक्तदाबाचा त्रास असणार्‍यांनी या आठवड्यात विशेष काळजी घेणे आवश्यक आहे. तसेच पचनाच्याविकारांबाबतही दक्ष रहा. नियमित व्यायाम, योगा आणि ध्यानसाधना तुम्हांला हितकारी ठरेल.
वृषभ-
ऋतूमानात होणारे बदल तुमचे आरोग्य धोक्यात आणू शकता. जुने काही आजार पुन्हा नव्याने डोके वर काढण्याची शक्यता आहे. त्यामुळे त्यावर त्वरीत उपचार घ्या आणि त्रासापासून सुटका मिळवा. त्यासाठी काही हलके व्यायाम आणि ध्यानसाधना करा. म्हणजे तुम्ही शारिरीक आणि मानसिकदृष्ट्या फ़ीट रहाल.
मिथून -
तुमच्या राशीतील ग्रहांचा खेळ पाहता आरोग्य बिघडण्याची शक्यता अधिक आहे. शरीराकडून मिळणार्‍या संकेतांकडे लक्ष ठेवा आणि वेळीच उपचार घ्यावेत. त्यांच्याकडे दुर्लक्ष करणं तुम्हांला त्रासदायक ठरू शकते. विशेषतः रक्तदाबाच्या रुग्णांनी काळजी घेणं गरजेचे आहे. तसेच आरोग्याची हेळसांड करणे टाळा.
कर्क -
हवामानात बदल झाल्यास तुम्हांला त्रास होण्याची शक्यता आहे. त्यामुळे संबंधित लक्षण दिसताच योग्य उपचार घ्या. जुने आजार पुन्हा त्रासदायक ठरणार नाही याची काळजी घ्या. त्यामुळे अशा त्रासांपासून कायमची सुटका मिळवण्यासाठी योग्य औषधोपचार घ्यावेत.
सिंह -
तुमच्या राशीतील ग्रह पचनाचे विकार वाढवण्यास मदत करतील म्हाणूनच त्यांच्या लक्षणांकडे कानाडोळा करू नका. त्याचे गंभीर स्वरूप त्रासदायक ठरण्याची शक्यता आहे. यामुळे सक्तीचा आराम करावा लागल्याने तुम्हांला 2-3 दिवस घरीच आराम करावा लागेल. तात्काळ उपचार घेतल्यास त्याचा धोका कमी होईल. तसेच हृद्यविकाराच्या रुग्णांनी काळजी घ्या, तणावग्रस्त स्थितींपासून दूर रहा.
कन्या -
या आठवड्यात तुमचे आरोग्य ठीकठाक राहील त्यामुळे चिंतेचा प्रश्न नाही. मात्र बदलत्या हवामानाचा तुमच्या आरोग्यावर परिणाम होण्याअगोदर योग्य औषधोपचर घ्या. दीर्घकाळ निरोगी स्वास्थ्यासाठी जंक फूड खाणे टाळा. शरीराला अपायकारक ठरणारे जीवनशैलीतील बदल टाळा.
तूळ -
ग्रहमान चांगले असल्याने आरोग्याच्या तक्रारी उद्भवणार नाहीत. मात्र अपघातांपासून बचावण्याचा प्रयत्न करा. जेवण बनवताना, चढ उतार करताना, वाहनं चालवताना काळजी घ्या. फीट राहण्यासाठी योगा आणि नियमित व्यायाम करण्याची सवय लावा.
वृश्चिक -
बदलत्या हवामानाचा तुमच्या आरोग्यावर परिणाम होण्याची शक्यता आहे. त्यामुळे येत्या मंगळवार व बुधवारी विशेष काळजी घ्या. संबंधित लक्षणं आढळताच त्वरीत योग्य औषधोपचार घ्यावेत. यामुळे त्यांची गंभीरता कमी होईल. मधूमेह, संधिवाताच्या रुग्णांनी आहाराच्या बाबतीत विशेष काळजी घ्यावी.
धनू -
आरोग्याच्या बाबतीत या आठवड्यात विशेष चिंतेचे काही कारण नाही. परंतू काही जुन्या आजारांवर लक्ष ठेवा. योग्य औषधांनी त्यावर नियंत्रण ठेवा. मध्यमवयीन लोकांनी अपघातांपासून सावध रहा.
मकर -
या आठवड्याच्या शेवटी काही आजार डोकं वर काढण्याची शक्यता आहे. तसेच घरातील वयोवृद्ध लोकांची काळजी घेताना तुमच्यावरील ताणही वाढण्याची शक्यता आहे. त्यामुळे तुमच्या आरोग्याची हेळसांड करू नका. दिवसातील काही वेळ व्यायामासाठी राखून ठेवा.
कुंभ -
सांधेदुखीच्या रुग्णांनी या आठवड्यात विशेष काळजी घेणं आवश्यक आहे. त्यामुळे त्यावर नियंत्रण मिळवण्याचा प्रयत्न करा. पचनासंबंधित विकार दूर ठेवण्यासाठी योग्य उपचार घ्या. तसेच तुमचे स्वास्थ सुधारण्यासाठी योगा सोबतच काही श्वसनाचे व्यायामही करावेत.
मीन -
या आठवड्यात तुमचे आरोग्य थोडे नरम-गरम असेल. जुन्या आजारांवर लक्ष ठेवा व त्यांचे काही लक्षणं आढळताच त्यांच्यावर मात करा. मध्यमवयीन व वृद्धांनी सांधेदुखीपासून बचावण्याचा प्रयत्न करा. व्यायामासोबत फीट राहण्यासाठी शवसनाचे व्यायाम, चालणे असा व्यायामदेखील नियमित करावा.
छायाचित्र सौजन्य – Shutterstock
मराठीत ‘आरोग्य व उपचार’ संबंधित अधिक लेख वाचण्यासाठी, मराठी विभागाला अवश्य भेट द्या. तसेच आमच्या ‘फेसबुक’ पेज व ‘ट्विटर’ हॅन्डललाही नक्की लाईक करा.
तुमच्या आरोग्यविषयक समस्यांना प्रख्यात डॉक्टरांकडून मार्गदर्शन मिळवण्यासाठी आमच्या ‘फोरम‘ ला भेट द्या.