छायाचित्र सौजन्य – Shutterstock
मेष -:
तुमच्या राशीतील ग्रहमान पाहता, आरोग्यविषयक समस्या वाढण्याची शक्यता आहे. त्यामुळे आरोग्याची काळजी घ्या. अनपेक्षितपणे आलेले आजार या आठवड्यात तुम्हांला त्रासदायक ठरण्याची शक्यता आहे. त्यावर वेळीच उपचार करा. तसेच काही अल्टरनेटीव्ह उपचारांनी त्यावर मात करण्याचा प्रयत्न करा.
वृषभ -:
राशीचे ग्रहमान आरोग्याच्या समस्या दूर ठेवण्यासाठी मदत करतील. काही जुन्या व्याधींवर वेळीच उपचार करणे आवश्यक आहे. फीटनेस राखण्यासाठी व्यायाम, योगा, अ‍ॅरोबिक्स करा. तसेच डाएट आणि लाईफस्टाईलमध्ये सकारात्मक बदल करा. व्यसनांचा त्याग करा.
मिथून-:
उच्चरक्तदाबाचा त्रास असलेल्यांनी नियमित चेकअप करून त्यावर नियंत्रण ठेवणे गरजेचे आहे. औषधांच्या वेळांकडे दुर्लक्ष करू नका. तसेच मानसिक आणि शारिरीक त्रास वाढेल अशा गोष्टी शक्यतो टाळण्याचा प्रयत्न करा. अथवा शांतपणे करा.
कर्क -:
तुमच्या राशीतील ग्रहमान पाहता आजारी पडण्याची शक्यता अधिक आहे. त्यामुळे लहानशा आजारांकडेदेखील दुर्लक्ष करू नका. त्यावर तात्काळ उपचार करणे आवश्यक आहे. जुनाट व्याधींवर वेळेवर लक्ष देणे गरजेचे आहे.
सिंह -:
तुमच्या राशीतील ग्रहमान फारसे आरोग्यदायी नाही. पचनाचे विकार तुम्हांला त्रासदायक ठरण्याची शक्यता आहे. याकडे वेळीच लक्ष न दिल्यास परिस्थिती हाताबाहेर जाण्याची शक्यता आहे.
कन्या -:
तुमच्या राशीच्या सहाव्या स्थानी सुर्याचे वास्तव्य असल्याने आरोग्य धोक्यात येण्याची शक्यता आहे. तसेच काही जुने विकार असल्यास त्यावर वेळीच उपचार करा. अनपेक्षितपणे अपघाताची शक्यता आहे. त्यामुळे पब्लिक ट्रान्सपोर्टने प्रवास करताना काळजी घ्या. फीटनेस सांभाळण्यासाठी व्यायाम अवश्य करा.
तूळ -:
आरोग्यदायी राहण्यासाठी तुम्हांला आरोग्यदायी जीवनशैलीचा समावेश करणे आवश्यक आहे. आरोग्यदायी राहण्यासाठी वेळेवर आणि पोषक आहार घ्यावा. काही जुन्या व्याधी पुन्हा नव्याने त्रासदायक ठरण्याची शक्यता आहे. त्यावर अल्टरनेटीव्ह उपायांनी मात करण्याचा प्रयत्न करा. योगा. ध्यानसाधना किंवा वयानुसार आणि आवडीनुसार एखादा व्यायामप्रकार निवडून नियमित करण्याचा प्रयत्न करा.
वृश्चिक -:
तुमच्या राशीतील मंगळाचा प्रभाव तुम्हांला आरोग्यदायी आणि प्रसन्न ठेवण्यास मदत करेल. पित्ताचा त्रास वाढल्याने तुमच्या पचनमार्गात अडथळा निर्माण होण्याची शक्यता आहे. त्याकडे दुर्लक्ष करू नका. वेळीच उपचार न घेतल्यास ही समस्या अधिक गंभीर होण्याची शक्यता आहे. नंतर त्यावर उपचार करणे कठीण होईल.
धनू -:
कॅल्शियमच्या कमतरेमुळे काही शारिरीक समस्या त्रासदायक ठरण्याची शक्यता आहे. कॅल्शियमयुक्त फळं आणि भाज्या आहारात ठेवा. तसेच श्वसनाशीसंबंधित आजारांकडेदेखील लक्ष देणे गरजेचे आहे. फीट राहण्यासाठी योगा आणि ध्यानसाधना करा.
मकर -:
तुमच्या राशीतील ग्रहमान आरोग्याला अनुकूल नाही. त्यामुळे लहानशा समस्यांकडेदेखील दुर्लक्ष करू नका. वेळीच फिजीशिएनचा सल्ला घ्या. व्हायरल इंफेक्शनपासून दूर राहण्यासाठी दक्ष रहा. रक्तादाबामध्ये चढ-उतार होत असल्यास काळजी घ्या. नियमित वैद्यकीय चाचणी आणि काळजी घेतल्यास शारिरीक समस्यांवर लक्ष ठेवणे शक्य होते.
कुंभ -:
या आठवड्यात आरोग्याची विशेष काळजी घेणे आवश्यक आहे. लहानसहान समस्यांकडे दुर्लक्ष करणे या काळात त्रासदायक ठरू शकते. काही जुने आणि वारंवार उद्भवणारे त्रास आटोक्यात ठेवण्यासाठी काळजी घ्या.
मीन -:
तुमच्या राशीतील ग्रहांची प्रतिकुलता शारिरीक समस्या त्रासदायक बनवण्यासाठी कारणीभूत ठरण्याची शक्यता आहे. तसेच त्यातून बाहेर पडण्यासाठी अधिक वेळ लागेल. त्यामुळे लहानसहान समस्यांकडेही या आठवड्यात दुर्लक्ष करू नका. वहानं काळजीपूर्वक चालवा.