मेष -
सर्दी -पडशासारखे लहानसहान आजार या आठवड्यात उद्भवण्याची शक्यता आहे. त्याकडे दुर्लक्ष न करता त्वरीत उपचार करा. पचनाचे विकार टाळण्यासाठी रात्री उशिरा जेवणे, मसालेदार खाणे टाळा. फ़ीटनेस राखण्यासाठी तुमच्या जीवनशैलीत आरोग्यदायी बदल करणे आवश्यक आहेत.
वृषभ -
रक्तदाब आणि सांधेदुखीच्या रुग्णांना दुखणे नियंत्रणात ठेवणे त्रासदायक ठरू शकते. त्यामुळे काही पर्यायी औषधाने त्यावर नियंत्रण मिळवण्याचा प्रयत्न करा. अन्यथा तुमची प्रकृती या आठवड्यात ठीकठाक राहील. मात्र अतितिखट खाणे टाळा.
मिथून -
या आठवड्यात आरोग्यविषयक चिंतेचे कारण नाही. मात्र श्वसनाच्या विकारांकडे लक्ष द्या. मध्यमवयीन व त्याहून अधिकच्या लोकांनी आजाराकडे, औषधांकडे दुर्लक्ष करणे टाळा. शरीराची रोगप्रतिकारशक्ती सुधारण्यासाठी नियमित व्यायाम करा.
कर्क -
तुमच्या राशीतील ग्रहमान पाहता जुन्या आजारांकडे दुर्लक्ष करू नका. काही अनियमित लक्षणं आढळताच त्वरित डॉक्टारांचा सल्ला घ्या. मेडीकल चेकअप करून वेळीच आजाराचे अचूक निदान करून घ्या.
सिंह -
या आठवडा तुमच्यासाठी आरोग्यदायी आहे. जुने-नवे आजार या आठवड्यात त्रासदायक ठरणार नाहीत. मात्र वाहन चालवताना, एखादी धारदार वस्तू हाताळताना तसेच फिजीकल अ‍ॅक्टीव्हीटी करताना विशेष काळजी घ्या. अपघाताने इजा होण्याची शक्यता आहे.
कन्या -
राशीतील ग्रहमान पाहता काही जुने विकार अधिक त्रासदायक ठरण्याची शक्यता आहे. ऋतूमानातील बदलाचा तुम्हांला या आठवड्यात त्रास होऊ शकतो. लहान सहान आजारांकडे दुर्लक्ष न करता पर्यायी औषधांनी त्याच्यावर मात करा.
तूळ -
या आठवड्यात पचनाचे विकार वाढण्याची शक्यता आहे. त्यामुळे तुम्हांला काही दिवस सक्तीचा आराम करावा लागेल. तसेच अपघातामुळे शरीराला इजा होण्याची शक्यता आहे. त्यामुळे काळजी घ्या.
वृश्चिक -
या आठवड्यात तुमचे आरोग्य उत्तम राहील. त्यासाठी तुम्हांला ग्रहांची साथ आहे. मधूमेह, रक्तदाब अशा समस्या असणार्‍या व्यक्तींनी नियमित वेळेवर औषधं व आहाराचे पथ्य पाळल्यास आजार नियंत्रणात राहील.
धनू -
श्वसनाच्या विकारांकडे विशेष लक्ष देणे गरजेचे आहे. सांधेदुखीच्या रुग्णांसाठी हा काळ त्रासदायक आहे. पर्यायी औषधांनी हा त्रास कमी करण्याचा प्रयत्न करा. तसेच जीवनशैलीत सकारात्मक बदल करा. जंकफूड खाणे टाळा.
मकर -
मध्यमवयीन लोकांमध्ये येत्या गुरूवारनंतर काही जुने आजार पुन्हा त्रासदायक ठरण्याची शक्यता आहे. त्यामुळे काही दिवस तुम्हांला घरीच सक्तीचा आराम करावा लागेल. रक्तदाब वर-खाली होण्याची शक्यता आहे. त्यामुळे मेडीकल चेकअप करणे टाळू नका.
कुंभ -
या आठवड्यात तुम्ही आजारी पडण्याची चिन्ह अधिक आहेत. वेळीच आजाराचे निदान करण्यासाठी या आठवड्यात फूल बॉडी चेकअप करून घेणे फायदेशीर ठरेल. त्यानुसार योग्य आणि वेळेत उपचार सुरू करणे सोपे होईल. चांगल्या स्वास्थ्यासाठी आरोग्यदायी सवयी लावा.
मीन -
तुमच्या उत्तम रोगप्रतिकारशक्तीमुळे या आठवड्यात तुमचा आजारांपासून बचाव होईल. मात्र अपघाताची शक्यता असल्याने व्यायाम करताना, धारदार वस्तू हाताळताना काळजी घ्या.
छायाचित्र सौजन्य – Shutterstock
Translated By - Dipali Nevarekar
मराठीत ‘आरोग्य व उपचार’ संबंधित अधिक लेख वाचण्यासाठी, मराठी विभागाला अवश्य भेट द्या. तसेच आमच्या ‘फेसबुक’ पेज व ‘ट्विटर’ हॅन्डललाही नक्की लाईक करा. तुमच्या आरोग्यविषयक समस्यांना प्रख्यात डॉक्टरांकडून मार्गदर्शन मिळवण्यासाठी आमच्या ‘फोरम‘ ला भेट द्या.