उन्हापासून त्वचेचे संरक्षण करण्यासाठी चांगल्या प्रतीचे सनस्क्रीन वापरणे अत्यंत गरजेचे आहे.पण आजकाल बाजारामध्ये अनेक प्रकारचे सनस्क्रीन लोशन उपलब्ध अाहेत.त्यामुळे त्यातले नेमके कोणते सनस्क्रीन निवडावे याबाबत तुमचा गोंधळ उडण्याची शक्यता असते.त्यात SPF, UV-A, UV-B म्हणजे नेमके काय हे देखील अनेकांना माहित नसते. यासाठी याबाबत सविस्तर माहिती जाणून घेऊयात प्रसिद्ध dermatologist डॉ.किरण लोहीया यांच्याकडून.
SPF म्हणजे काय?
SPF म्हणजे सन प्रोटेक्शन फॅक्टर.यामुळे आपल्या त्वचेचे सुर्याच्या अतिनील किरणांपासून संरक्षण होते.या विशिष्ट प्रकारच्या सुर्यकिरणांमुळे त्वचेवर सनबर्न,टॅनिंग व स्कीन कॅन्सर होण्याची शक्यता असते.दिवसभर उन्हात फिरल्यामुळे या किरणांमुळे तुमची त्वचा काळंवडू शकते.तांत्रिकदृष्ट्या SPF १५ म्हणजे सुर्यकिरणांपासून पंधरापट अधिक संरक्षण होते.तसेच जाणून घ्या केमिकल पिलिंग केल्यानंतर कशी घ्याल चेहर्‍याची काळजी ?
एखाद्याला किती SPF ची गरज असू शकते?
भारतामध्ये येणा-या सुर्यरकिरणांपासून संरक्षण करण्यासाठी SPF ३० पुरेसे आहे.जरी पाश्चात्य देशांपेक्षा भारतामध्ये मोठ्या प्रमाणावर अतिनील किरणे पोहचत असली तरी भारतीयांची सावळी त्वचा या सुर्यकिरणांपासून संरक्षण करण्यासाठी नैसर्गिकरित्या अधिक सुरक्षित असते.या ’3′ घरगुती फ्रुट मास्कने करा सनटॅनच्या समस्येला अलविदा !
किती प्रकारचे सनस्क्रीन एजंट आहेत?
ऑर्गेनिक व मिनसल्स असे एकूण दोन प्रकारचे सनस्क्रीन एजंट्स आहेत.ऑर्गेनिक एजंट अतिनील किरणे शोषून घेतात व त्वचेपासून त्यांचे संरक्षण करतात.त्यामधील अनेक घटक हे कार्य करतात.पण हे कार्य ३ ते ४ तासांसाठी मर्यादीत असते यासाठी सतत सनस्क्रीन लावणे गरजेचे असते.
मिनरल्स एजंट्स अतिनील किरणांना परावर्तीत करतात.यापासून तयार करण्यात आलेल्या सनस्क्रीनचा जाड पांढरा थर निर्माण होतो त्यामुळे हे सनस्क्रीन वापरणे काही लोकांना आवडत नाही.
फक्त SPF पाहून सनस्क्रीन विकत घ्यावे का?
SPF पासून फक्त UV-B प्रोटेक्शन होते पण UV-A प्रोटेक्शनची देखील तितकीच आवश्यता असते.UV-A सुर्य प्रकाशामुळे पिंगमेंटेशन,मार्क्स,फ्रॅकल्स,एजिंग व अॅलर्जी निर्माण होऊ शकते.यासाठी तुमच्या सनस्क्रीनमध्ये UV-B व UV-A असणे फार आवश्यक आहे.यासाठी पहा व्हिडिओ: कशी कराल योग्य सनस्क्रिनची निवड ?
UV-A प्रोटेक्शन देखील असलेल्या सनस्क्रीन मध्ये नेमके काय पहावे?
UV-A प्रोटेक्शन असलेल्या सनस्क्रीनमध्ये ‘+’ हे चिन्ह आहे का ते जरुर पहा.PA+ रेटींग युव्ही-ए प्रोटेक्शन दर्शविते.’शुन्य ते +++++’ कमी ते अधिक UV-A ब्लॉकींग दर्शविते.भारतीय त्वचेसाठी ‘++’ चांगल्या संरक्षणाची शिफारस करण्यात येते.यासाठी UV-B व UV-A संरक्षणासाठी SPF ३०++ सनस्क्रीन निवडा.
सनस्क्रीनचे फायदे काय आहेत?
UV-B व UV-A संरक्षण असलेल्या सनस्क्रीनचे अनेक चांगले फायदे आहेत.UV-A सुर्यप्रकाशामुळे पिंगमेंटेशन,एजींग या समस्या निर्माण होतात.त्यामुळे नियमित सनस्क्रीन लावल्यामुळे तुमच्या त्वचा नितळ होते व तुम्ही तरुण दिसू लागता.UV-B सुर्यप्रकाशामुळे टॅनींग व स्कीन कॅन्सर होतो.त्यामुळे UV-B प्रोटेक्शन देखील गरजेचे असते.
नियमित सनस्क्रीन लावल्यामुळे तुमची त्वचा लवचिक,फ्रेश व निरोगी राहते.यासाठीच सुर्यप्रकाशात जाताना जाणिनपूर्वक सनस्क्रीन लावण्याचा सल्ला देण्यात येतो. पण सनस्क्रीनच्या वापराचा त्वचेवर काही दुष्परिणाम होतो का ? हेदेखील नक्की जाणून घ्या.
Read this in English
Translated by Trupti Paradkar
छाया चित्र सौजन्य : Shutterstock