मेष -
पचनाच्या विकाराकडे दुर्लक्ष करू नका. अन्यथा त्याची गंभीरता वाढल्यास दुखणे त्रासदायक ठरू शकते. तसेच या आठवड्यात अपघाताची शक्यता आहे. पायाला दुखापत होण्याची शक्यता असल्याने विशेष काळजी घ्या. त्यामुळे वाहनं चालवताना विशेष काळजी घ्या.
वृषभ -
या आठवड्यात आरोग्याच्या बाबतीत फारसी चिंता करण्याची गरज नाही. सर्दी-पडशाचा त्रास वगळता विशेष समस्या या आठवड्यात उद्भवणार नाहीत. परंतू खबरदारी घ्या. खाण्या-पिण्याचे पथ्य पाळा व सोबतीला योगा व ध्यानसाधना करा.
मिथून -
पचनाचे काही त्रास वगळता अन्य कोणताही त्रास वाढण्याची शक्यता नाही. मात्र त्रास कायम राहिल्यास योग्य उपचार घ्या. मुळासकट आजार बरा होईल याकडे लक्ष द्या. आहार, व्यायाम आणि लाईफस्टाईलमध्ये बदल करा. तसेच त्रासदायक सवयी सोडा.
कर्क -
सर्दी- खोकल्याचा त्रास वगळता अन्य कोणतीही आरोग्यविषयक समस्या डोके वर काढणार नाही. मध्यमवयीन व त्याहून अधिकच्या वयोगटातील लोकांनी वयानुसार येणार्‍या समस्यांकडे लक्ष द्या. मात्र काही अपघातांपासून सावध रहा. अति व्यायाम करणे त्रासदायक ठरू शकते.
सिंह -
तुमच्या राशीतील ग्रहांची स्थिती पाहता आरोग्याबाबत काळजी घेणे गरजेचे आहे. दीर्घकाळ त्रासदायक ठरणार्‍या समस्या उद्भवू शकतात. त्यामुळे सर्दी-तापाकडे दुर्लक्ष करू नका. औषधांच्या बाबतीत टाळाटाळ केल्यास त्रास वाढण्याची शक्यता आहे.
कन्या-
या आठवड्यात आरोग्याची चिंता करू नका. सांधेदुखी किंवा तत्सम दुखण्याचा त्रास वाढण्याची शक्यता आहे. त्यामुळे औषधांकडे दुर्लक्ष करू नका. तसेच वेदना कमी करण्यासाठी योग्य उपचार घ्यावेत.
तूळ -
गणेशाच्या मते, हा आठवडा खूपच आरोग्यदायी आहे. पण पचनाचे विकार किंवा पित्ताचा त्रास वाढू शकतो. लहान अपघाताची शक्यता असल्याने वाहनं चालवताना काळजी घ्या.
वृश्चिक -
या आठवड्यात आरोग्यविषयक त्रास वाढण्याची शक्यता नाही. मात्र आरोग्याला गृहीत धरू नका. नियमित व्यायाम, योगा करा म्हणजे तुमचा फीटनेस सुधारेल. श्वसनाचे व्यायाम तुम्हांला नक्कीच फायदेशीर ठरू शकतात.
धनू -
तुमच्या राशीतील ग्रहांची स्थिती पाहता, गंभीर अपघाताची शक्यता आहे. त्यामुळे दैनंदिन कामं करताना विशेष काळजी घ्या. वाहनं सावधानतेने चालवा.
मकर -
सांधेदुखीचा त्रास असलेल्यांनी या आठवड्यात काळजी घेणे अत्यावश्यक आहे. पेनकिलरवर अवलंबून राहणे टाळा. काही अल्टरनेटिव्ह औषधांचा वापर करा. ज्यामुळे तुमचा त्रास कमी होण्यास मदत होईल.
कुंभ -
पचनाच्या विकाराबाबत दक्ष रहा. तसेच त्यावर वेळीच उपचार घ्या म्हणजे तुम्ही आजारांवर नियंत्रण मिळवू शकता. मधूमेह तसेच रक्तादाबाच्या विकाराबाबत पुरेशी काळजी घ्या. आहाराचे पथ्यपाणी नियमित पाळा.
मीन -
उच्च रक्तदाबाच्या रुग्णांनी या आठवड्यात विशेष काळजी घ्यावी. योग्य निदान व औषधं याबाबत टाळाटाळ करू नका. अपघातामुळे इजा होण्याची शक्यता आहे. त्यामुळे वाहनं सावध चालवा. जिन्यावरून चढ-उतार करताना काळजी घ्या.
छायाचित्र सौजन्य – Shutterstock
Translated By - Dipali Nevarekar
मराठीत ‘आरोग्य व उपचार’ संबंधित अधिक लेख वाचण्यासाठी, मराठी विभागाला अवश्य भेट द्या. तसेच आमच्या ‘फेसबुक’ पेज व ‘ट्विटर’ हॅन्डललाही नक्की लाईक करा. तुमच्या आरोग्यविषयक समस्यांना प्रख्यात डॉक्टरांकडून मार्गदर्शन मिळवण्यासाठी आमच्या ‘फोरम‘ ला भेट द्या.