Translated By - Dipali Nevarekar
हायपोथायरॉईडीमचा त्रास कमी करण्यासाठी आहारात सकारात्मक बदल करणे आवश्यक आहे. तुमच्या थायरॉईडची पातळी आणि वजन आटोक्यात ठेवण्यासाठी पोषणयुक्त आहार घेणे आवश्यक आहे. मग थायरॉईडची पातळी नियंत्रणाबाहेर जाऊ नये म्हणून मीठासोबत कोणत्या इतर पदार्थांवर नियंत्रण ठेवणे गरजेचे आहे हे जाणून घेण्यासाठी आहारतज्ञ प्रिया काथपाल यांनी सुचवलेला हा डाएट प्लॅन तुम्ही नक्की आजमवून पहा.
सकाळी काय खाल ?
थायरॉईड ओव्हर अ‍ॅक्टीव्ह झाल्यानंतर झिंक कमी होते. त्यामुळे तुमच्या आहारात झिंकचा समावेश असणे आवश्यक आहे. त्यासाठी बदाम खावेत. रात्रभर 5-6 बदाम भिजत ठेवा. सकाळी उठल्यावर रिकाम्या पोटी ते बदाम खावेत. मात्र खारावलेले बदाम टाळा.
ब्रेकफास्ट :
दिवसभरात शरीराला 2500 ते 3000 कॅलरीज खाण्याची सवय ठेवा. त्यामधून शरीराला पोषणद्रव्य मिळतात. दिवसाची सुरवात व्हेजिटेबल पोह्यांनी करा. त्यासोबत ग्लासभर ताक पया. उकडलेल्या अंड्यांसोबत टोस्ट हा पर्यायदेखील उत्तम आहे.
मिड मॉर्निंग :
तुमच्या आहारामध्ये सार्‍या प्रकारचे अन्नपदार्थ ठेवा. बेरीज आणि संत्र्यांचा आहारात समावेश करा. त्यामधील अ‍ॅन्टीऑक्सिडंट्स शरीराची रोगप्रतिकारशक्ती सुधारतात. त्यामुळे थायरॉईडचा त्रास कमी होण्यास मदत होते.
दुपारचे जेवण :
हायपोथायरॉईडीझममध्ये बद्धकोष्ठतेचा त्रास वाढतो. धान्यांचा आहारात समावेश केल्यास शौचाला साफ होते. त्यासाठी जेवणात गव्हाच्या चपात्या,वाटीभर डाळ, ऋतूमानानुसार भाज्या खाव्यात. तसेच आहारात सोयाबीनचा वापर करावा. यामुळे शरीराला प्रोटीनचा पुरवठा होतो. यामुळे प्रोटीन मिळते. परिणामी वजन आरोग्यदायी मार्गाने प्रमाणात ठेवण्यास मदत होते.
संध्याकाळचा नाश्ता :
हायपोथायरॉईडीझमवर वेळीच उपचार न केल्यास तुमची हाडं कमजोर होण्याचा धोका वाढतो. यामुळे ऑस्टोपोरॉयसिसचा धोका वाढतो. त्यामुळे नियमित कॅल्शियमची गरज भागवण्यासाठी दह्याचा आहारात समावेश करा. फळांसोबत गोड दह्याचा वापर करावा. .
रात्रीचं जेवण :
वाटीभर सूपसोबत दोन चपात्या आणि भाजी खावी. तसेच मांसाहार आवडत असल्यास ग्रील्ड फिशचा आहारात समावेश करा. माश्यांमधून व्हिटॅमिन डीचा पुरवठा होतो. त्याचबरोबरीने अंड, मशरूम खावे.