गावठी की पांढरी अंडी खाणे अधिक फायदेशीर ?

छायाचित्र सौजन्य – Shutterstock

Translated By  -  Dipali Nevarekar

Read this in English

अंड्यामध्ये प्रोटीनचा मुबलक साठा असतो. सोबतच अंड्यामधून मिळणारे कॅल्शियम हाडांचे आरोग्य सुधारण्यास मदत होते. बाजारात सहज उपलब्ध होणारे आणि अंड्यापासून तयार होणारे पदार्थ झटपट बनतात. (चटपटीत आणि हेल्दी ‘एग रोल्स’ रेसिपी) अंड्यामुळे कोलेस्ट्रेरॉल वाढते त्यामुळे विशिष्ट प्रकारचे अंड किंवा त्यातील केवळ पांढरा भाग खावा असे काहींना वाटते. पण यामध्ये खरंच तथ्य आहे का ? या तुमच्या मनातील शंका दूर करण्यासाठी आहारतज्ञांनी दिला आहे हा खास सल्ला !  नक्की वाचा -: दररोज एक अंड खा आणि आरोग्याच्या समस्या दूर ठेवा !

तपकिरी (गावठी ) अंडी अंडी पांढर्‍या अंड्यापेक्षा पोषक असतात का  ? 

• रंग -: 

गावठी अंड आणि पांढर्‍या अंड यामध्ये रंगांचा फरक असतो. गावठी अंड हे तपकिरी – चॉकलेटी रंगाचे असते. मात्र तपकिरी रंगाची अंडी ही अधिक आरोग्यदायी असल्याचे अनेकांना वाटते परिणामी त्याची विक्रीदेखील पांढर्‍या रंगापेक्षा अधिक भावाने केली जाते.

आहारतज्ञ डॉ. नेहा संवल्का यांच्या मते, ब्राऊन किंवा गावठी अंडी ही कोंबड्यांना विशिष्ट इंजेक्शन्स किंवा औषधं देऊन मिळवली जात नाहीत. त्यांची पैदास नैसर्गिकरित्या होते. पोल्ट्री ब्रेड हेन्स (कोंबड्यांना ) औषध देऊन त्यांच्यांमध्ये हार्मोनल बदल केले जातात. यामुळे अंड देण्याची क्षमता वाढवली जाते.  यामुळे गावठी अंडी अधिक पोषक ठरतात. तसेच त्यामध्ये कोणत्याही स्वरूपाचे केमिकल्स नसल्याने त्यामधून शरीराला आवश्यक घटकांचा पुरावठा योग्य प्रमाणात होतो. मात्र बाजारात उपलब्ध असलेल्या अंड्यांच्या पोषकतेबाबत खात्री देता येऊ शकत नाही.

• पोषकतेमध्ये किती फरक असतो ? 

गावठी आणि पांढर्‍या अंड्यांमध्ये पोषणद्रव्यांच्या बाबतीत 10 -15 % टक्क्यांचा फरक असतो. गावठी अंड्यांमध्ये आर्टीफिशियल हार्मोन्स किंवा केमिकल्सचा समावेश नसल्याने ते अधिक पोषक ठरतात. अंड – वजन घटवण्याचा उत्तम मांसाहारी पर्याय आहे हे तुम्हांला ठाऊक आहे का ?

• पांढरी अंडी सतत खाणे अरोग्यासाठी घातक ठरेल का ?

पांढरी अंडी खाण्याचा शरीरावर कोणताही दुष्परिणाम होत नाही. तसेच त्याचे खाणे त्रासदायकही ठरत नाही. कोंबड्यांना दिली जाणारी कृत्रिम हार्मोन्स पोषकता कमी करत असली तरीही त्याचा आहारात समावेश करणे हे प्रमाणात असेल तर शरीरावर त्याचा घातक परिणाम दिसून येणार नाही. मात्र अंड खाण्याचे प्रमाण अति असल्यास कालांतराने हार्मोनल इम्बॅलन्स आढळून येतो. यामुळे काही आजार होऊ शकतात.