Read this in English
Translated By - Dipali Nevarekar
छायाचित्र सौजन्य : Shutterstock
स्त्रियांच्या आयुष्यातील ‘मोनोपॉज’चा काळ म्हणजे मासिकपाळी कायमची बंद होणे. पण शारिरीक स्थितीच्या या टप्प्यातून जाताना स्त्रियांमध्ये अनेक बदल होतात. शरीरातील इस्ट्रोजन या हार्मोंन्सचे प्रमाण कमी झाल्याने स्त्रियांच्या आरोग्यावर हे तीन दुष्परिणाम आढळून येतात.
#1 वजन वाढणे -:
मोनोपॉजच्या स्थितीत असलेल्या अनेक स्त्रियांचे वजन वाढते. यासाठी केवळ हार्मोनल बदल कारणीभूत नसते. कारण इस्ट्रोजन वजन नियंत्रणात ठेवण्यासाठी मदत करते. आहारतज्ञ डॉ. स्वाती दवे यांच्यामते, मोनोपॉजच्या काळात मसल्स मास कमी झाल्याने मेटॅबॉलिक रेटदेखील कमी होतो. अशावेळी पुरेसा व्यायाम न करता कॅलरीयुक्त आहार घेतल्याने शरीरात फॅट साचून राहते. परिणामी वजन वाढते. पोटाच्या मध्यभागी, हिप्स तसेच स्तनांजवळ फॅट साचून राहण्याचे प्रमाण अधिक असते. वजन कमी करायचं ? मग करा ही योगसाधना
#2 हृद्यविकार -:
मोनोपॉजनंतर स्त्रियांमध्ये हृद्यविकार वाढण्याचे नेमके कारण अजूनही स्पष्ट नसले तरीही त्याचा एकमेकांशी थेट संबंध असल्याचे काही अभ्यासातून स्पष्ट झाले आहे. वाढत्या वयानुसार कोलेस्ट्रेरॉल,रक्तदाब वाढतो. हे हृद्यविकार जडण्यास कारणीभूत ठरते. तसेच मोनोपॉजनंतर प्रोअॅक्टिव्ह एचडीएल कोलेस्ट्रॉलदेखील कमी होतात. जर्नल ऑफ इंडियन मेडीकल असोसिएशनच्या मते मोनोपोजच्या काळात स्त्री शरीरात इस्ट्रोजनची निर्मिती कमी होते. परिणामी स्त्रियांमध्ये हृद्यविकाराचा धोका वाढतो. हृद्याचं आरोग्य सुधारणारी ’11′ हेल्दी ड्रिंक्स !
#3 ऑस्टोपोरॉसिस -:
मोनोपॉजच्या ट्प्प्यात सांधेदुखी किंवा हाडांची ठिसूळता वाढल्याचा त्रास अनेकींना जाणवतो. इस्ट्रोजन हाडांच्या मजबुतीचे काम करते. मात्र नेमक्या इसट्रोजनच्या कमतरतेमुळे हाडं कमजोर होतात. त्यामुळे ऑस्टोपोरॉसिसचा त्रास वाढण्याची शक्यता दाट होते.
मोनोपॉजचा हा त्रास टाळण्यासाठी इस्ट्रोजनयुक्त आहाराचा समावेश करावा. म्हणूनच या डाएट टीप्सने कमी करा ‘मोनोपॉज’चा त्रास !