Read this in English
Translated By - Dipali Nevarekar
छायाचित्र सौजन्य : lisagusto.com
टीप : सदर माहिती कोणत्याही उत्पादनाचे ब्रॅन्डींग करत नाही.
च्यवनप्राश हे भारतीयांसाठी स्वास्थ्यसुधारक टॉनिक समजले जाते. त्यामधील आयुर्वेदिक घटक शरीराची रोगप्रतिकारशक्ती वाढवण्यासोबत अनेक समस्यांशी सामना करण्यासाठी शरीराला तंदुरुस्त बनवण्यास मदत करतात.
1# रोगप्रतिकारशक्ती सुधारते :
च्यवनप्राशमधील प्रमुख घटक म्हणजे आवळा. आवळ्यातून शरीराला व्हिटामिन सी चा मुबलक पुरवठा होतो. यामुळे शरीराची रोगप्रतिकारशक्ती सुधारण्यास मदत होते. एका अभ्यासाच्या अहवालानुसार, च्यवनप्राशाच्या सेवनाने अ‍ॅलर्जीमुळे होणारा दाह, पेशींना होणारे नुकसान कमी होण्यास मदत होते. च्यवनप्राशमुळे रोगप्रतिकारक पेशींचे कार्य सुधारते. यामुळे इंफेक्शनचे प्रमाण कमी होते.
2# श्वसनाच्या समस्या कमी करतात :
च्यवनप्राशमध्ये असलेल्या जटी-बुटी फुफ्फुसांचे कार्य सुधारण्यास मदत करते. तसेच त्यातील मॉईश्चरचे प्रमाण नियंत्रणात राहते. अस्थमाच्या रुग्णांसाठी च्यवनप्राशचे सेवन करणे स्वास्थ्यकारक ठरते. यामुळे त्रास कमी होण्यास मदत होते. सोबत जलनेती केल्यास श्वसनविकारावर नियंत्रण मिळवता येते.
3# मेंदूचे कार्य सुधारते :
च्यवनप्राशमध्ये आवळा, ब्राम्ही,बदाम, अश्वगंधा यासारखे आयुर्वेदीक घटक आढळतात. यामुळे स्मरणशक्ती सुधारण्यास मदत होते. आकलनक्षमता सुधारते. नवीन शिकण्याची क्षमता सुधारते. मुलांची स्मरणशक्ती वाढवणारे ’5′ स्मार्ट पर्याय !
4# हृद्याचे कार्य सुधारते :
खाण्याच्या विचित्र वेळा आणि तणावग्रस्त जीवनशैली यामुळे अनेकांच्या जीवनात ‘कोलेस्ट्रेरॉल’ वाढवणारे अनेक घटक आहारात येतात. परिणामी हृद्यविकार जडण्याचे प्रमाणही वाढते आहे. मात्र च्यवनप्राश खाल्ल्याने शरीरातील विषारी घटक बाहेर पडण्यास मदत होते. परिणामी रक्ताभिसरणाची क्रिया सुधारते. हृद्याचं आरोग्य सुधारणारी ’11′ हेल्दी ड्रिंक्स देखील आहारात ठेवा.
5# एजिंगची समस्या कमी होण्यास मदत होते :
च्यवनप्राशमध्ये अ‍ॅन्टीऑक्सिडंट्सचे प्रमाण मुबलक असते. यामुळे फ्री रॅडिकल्सच्या प्रादुर्भावाने होणारे त्वचेचे नुकसान कमी होण्यास मदत होते. त्वचेवरील सुरकुत्या कमी होतात. तसेच वयोमानानुसार होणारे त्वचेचे नुकसान आटोक्यात राहण्यास मदत होते. तजेलदार त्वचा मिळवण्यासाठी वापरा स्वयंपाकघरातील हे ’7′ पदार्थ !
6# बॉडी डिटॉक्सिफ़ाय होते :
च्यवनप्राशमुळे रक्तातील अशुद्धता कमी होण्यास मदत होते. तसेच शरीराचे नैसर्गिक कार्य सुधारते. च्यवनप्राश नैसर्गिकरित्या शरीर डिटॉक्सिफाय करण्यास मदत करते. तसेच रक्तातील घातक घटक दूर ठेवण्यास मदत करते.
कसे खाल च्यवनप्राश ?
नियमित चमचाभर च्यवनप्राश घेणे तुम्हांला कंटाळवाणे वाटत असेल तर गरम किंवा थंड दुधासोबत तुम्ही च्यवनप्राश घेऊ शकता. चपाती/ पोळीवर च्यवनप्राशचा स्प्रेड पसरून रोल बनवून खाऊ शकता. च्यवनप्राश खाण्यावर वयाचे बंधन नसल्याने कोणीही किमान चमचाभर च्यवनप्राश अवश्य खाऊ शकता.
References:
- Sur TK et al. Effect of Sonachandi Chyawanprash and Chyawanprash Plus–two herbal formulations on immunomodulation.
- Pharmacology and Therapeutics in the New Millennium edited by S.K. Gupta
- Bansal N, Parle M. Beneficial effect of chyawanprash on cognitive function in aged mice. Pharm Biol. 2011 Jan;49(1):2-8. doi: 10.3109/13880209.2010.489904. Epub 2010 Aug 25. PubMed PMID: 20738179.
- Waltraud Ernst (ed.)Plural Medicine, Tradition and Modernity, 1800-2000 Routledge Studies in the Social History of Medicine;Routledge, 2002; p272