महाराष्ट्रात आणि प्रामुख्याने कोकणात मांसाहारासोबत हमखास असणारा एक पदार्थ म्हणजे सोलकढी ! आंबट गोड चवीची सोलकढी जेवल्यानंतर मन आणि पोट दोन्ही शांत ठेवायला मदत करते. म्हणूनच नियमित जेवणातही सोलकढीचा आस्वाद घेणं आरोग्यासाठी कसे फायदेशीर ठरते या करिता रिजॉईस व्हेलनेस क्लिनिक च्या मॅनिजिंग डायरेक्टर , आहारतज्ञ डॉ अस्मिता सावे यांनी दिलेला हा खास सल्ला नक्की जाणून घ्या.
सोलकढी हे कोकम आणि नारळाच्या दूधाचे मिश्रण असते. त्यामुळे कोकम आणि नारळामधील आरोग्यदायी गुणधर्म स्वास्थ्य सुधारण्यास फायदेशीर ठरतात. कोकमामध्ये अ‍ॅन्टीऑक्सिडंट,डाएटरी फायबर्स, मॅग्नेशियम, व्हिटॅमिन सी, पोटॅशियम घटक मुबलक असतात. त्याचसोबत कॅलरी वाढवणारे, अनावश्यक फॅट्स किंवा कोलेस्ट्रेरॉल वाढण्याचा धोका कमी असतो. त्यामुळे जेवणाला स्वादिष्ट आणि अधिक स्वाथ्यकारक बनवण्यासाठी कोकमाचा समावेश सोलकढीप्रमाणेच आमटी, रस्सा भाजी अवश्य करावा. सोलकढी प्रमाणेच कोकमाचा आहारात करा या ’5′ प्रकारे समावेश!
जेवणासोबत सोलकढीचा आस्वाद घेणं कसे ठरते फायदेशीर
- पचन सुधारण्यास मदत होते
कोकमातील घटक पचन सुधारण्यास मदत करतात. त्यामुळे मांसाहारासारखे पचायला जड आणि चमचमीत पदार्थ खाल्ल्यानंतर अपचनाचा त्रास होऊ नये म्हणून सोलकढी पिणं नक्कीच फायदेशीर ठरतं. सोबतच कोकमात Anthelmintic गुणधर्म असल्याने जंताची समस्या कमी करण्यास मदत करते.
- रोगप्रतिकारशक्ती सुधारते
कोकमातील अ‍ॅन्टीऑक्सिडंट्स घटक अ‍ॅलर्जीचा धोका कमी करण्यास आणि रोगप्रतिकारशक्ती सुधारण्यास मदत करतात. सोलकढीमध्ये आलं-लसणाची फोडणी असल्याने सर्दी, मळमळ, पचनक्रियेत बिघाड झाल्याने वाढणारी अस्वस्थता कमी करून रोगप्रतिकारशक्ती वाढवण्यास मदत होते.
- मेंदूला चालना
अपचानाचा त्रास कमी करण्यासोबतच कोकम मेंदूच्या कार्याला चालना देण्यासही मदत करते. शरीरावरील आणि मनातील ताण हलका होण्यास मदत होते. मेंदूचे आरोग्य राखण्यासाठी ‘७’ आश्चर्यकारक गोष्टी देखील नक्की जाणून घ्या.
- शरीरात थंडावा निर्माण होतो
उन्हाळ्याच्या दिवसात डीहायड्रेशनचा त्रास आटोक्यात ठेवण्यासाठी सोलकढी हे उत्तम एनर्जी ड्रिंक आहे. शरीरातील उष्णता, पित्त शमवण्याची क्षमता सोलकढीत आहे. त्यामुळे जेवणानंतर सोडायुक्त सॉफ्टड्रिंक्स पिण्यापेक्षा सोलकढीचा आस्वाद घेणं अधिक फायदेशीर आहे. त्यामुळे सोलकढी एक डीटॉक्स ड्रिंक म्हणूनही फायदेशीर ठरते. कार्बोनेटेड ड्रिंक्सला ‘५’ हेल्दी पर्याय !
- अ‍ॅन्टी एजिंग
नारळ आणि कोकमातील अ‍ॅन्टीऑक्सिडंट एकत्र आल्याने त्वचेचे आरोग्य खुलवण्यास,त्वचा अधिक सतेज करण्यास आणि एजिंगची प्रकिया थोडी पुढे ढकलण्यास मदत होते. परिणामी चेहर्‍यावर अकाली सुरकुत्या येण्याचं प्रमाण कमी होते. नितळ त्वचा हवीय ? मग या ’10′ भाज्या व फळं अवश्य खा!
- मधूमेहींना फायदेशीर
कोकमातील मिनरल्स घटक रक्तातील साखरेकहे प्रमाण आटोक्यात ठेवण्यास, त्यामध्ये होणारा चढ -उतार आटोक्यात ठेवण्यास मदत होते. मधूमेहातून वाढणारा ह्रद्यविकाराचा धोकाही आटोक्यात ठेवण्यास मदत होते. त्यामुळे जेवणानंतर मधूमेहींनी 1-2 ग्लास सोलकढी पिणं फायदेशीर आहे. अति तेथे माती हा नियम आहारशास्त्रातही लागू होतो. त्यामुळे आरोग्यदायी असले तरीही सोलकढीवर ताव मारू नये. मधूमेहींच्या आहाराबाबतचे दूर करा हे ’6′ गैरसमज !
छायाचित्र सौजन्य – Shutterstock