शरीरातील उष्णता कमी करण्यासाठी तुम्ही अनेकदा शहाळ्याचे पाणी प्यायला असाल पण त्याचा वापर त्वचेची कांती सुधारण्यासाठीदेखील होतो. हे तुम्हांला ठाऊक आहे का ? शहाळ्याचे पाणी चेहर्‍यावर लावल्याने पिंपल्सचे डाग कमी होण्यास मदत होते. पिंपल्सप्रमाणेच कांजण्याचे व्रण देखील कमी करण्यास शहाळ्याचे पाणी मदत करते.
का आहे शहाळ्याचे पाणी फायदेशीर ?
- शहाळ्याच्या पाण्यामध्ये त्वचेचे आरोग्य सुधारण्याचे नैसर्गिक गुणधर्म असल्याने त्वचेवरील डाग, समान रंग सुधारण्यास मदत होते.
- शहाळ्याच्या पाण्यामुळे त्वचा नैसर्गिकरित्या ऑक्सिजन घेण्याचे प्रमाण सुधारते. परिणामी त्वचेचे सौंदर्य सुधारते.
- शहाळ्यातील ‘सायटोकायनीन्स’ घटक त्वचेचा पोत सुधारून नव्या पेशींची निर्मिती सुधारण्यास मदत होते.
- शहाळ्याच्या पाण्यातील अ‍ॅन्टीमायक्रोबियल, अ‍ॅन्टीफंगल आणि अ‍ॅन्टीव्हायरल गुणधर्म त्वचेचा संसर्गापासून बचाव करतात.
- शहाळ्याच्या पाण्यात अ‍ॅन्टीऑक्सिडंट घटक असल्याने शरीरातील फ्री रॅडिकल्सचा धोका कमी होण्यास मदत होते तसेच त्वचेचे नुकसान टळते.
कसे वापराल ?
- शहाळ्याच्या पाण्यात कापसाचा बोळा बुडवून तो त्वचेवर फिरवावा.
- रात्रभर चेहरा असाच राहू द्यावा. दुसर्‍यादिवशी सकाळी मात्र चेहरा कोमट पाण्याने धुवा.
याचसोबत,
- 2 चमचे शहाळ्याच्या पाण्यात 1 चमचा काकडीचा रस मिसळावा.
- त्यात चमचाभर कच्चे दूध मिसळावे.
- तयार मिश्रण चेहर्‍यावर लावून 15 मिनिटे सुकू द्यावे.
- हा प्रयोग नियमित केल्यानंतर तुमच्या चेहर्‍यावरील डाग हळूहळू कमी होण्यास मदत होईल.
संबंधित दुवे
‘ओव्हरनाईट’ पिंपल हटवण्याचा हमखास घरगुती उपाय !
घरगुती फेसपॅकने करा, मुरूमांचा समूळ नाश !
गुलाबपाणी व काकडीचा रस – ब्लॅकहेड्स हटवण्याचा जादूई घरगुती उपाय !
Translated By - Dipali Nevarekar
Source – use-coconut-water-to-remove-acne-scars-naturally
छायाचित्र सौजन्य – Getty Images
मराठीत ‘आरोग्य व उपचार’ संबंधित अधिक लेख वाचण्यासाठी, मराठी विभागाला अवश्य भेट द्या. तसेच आमच्या ‘फेसबुक’ पेज व ‘ट्विटर’ हॅन्डललाही नक्की लाईक करा.
तुमच्या आरोग्यविषयक समस्यांना प्रख्यात डॉक्टरांकडून मार्गदर्शन मिळवण्यासाठी आमच्या ‘फोरम‘ ला भेट द्या.
Reference:
Tanushree Podder, Beauty Solutions, 2005, 150- Page